*خواطر فى علم الاقتصاد

بدأ اليوم جميلاً

الشمس كانت طالعة و السكة للشغل مش زحمة أوى و أول ما دخلت المكتب لقيت على فيسبوك واحدة صاحبتى من المدرسة هتتجوز و باعتالى دعوة لكتب كتابها و فرحتلها لأنها من البنات إللى فعلاً عايزين يتجوزوا أو مش عايزين يتجوزوا بالضرورة بس عايزين Companionship بس أحنا فى مصر بنسميها جواز

فكرت شوية فى الجواز فى سن صغير و لاقيت إن ده بيخليك تحتفل بكل حاجة ممكن تحتفل بيها بدرى و بالتالى بتخلص احتفال بدرى و ممكن كمان تخلص تجاربك العاطفية بدرى و ده بيضمنلك عدم نضوج عاطفى بالتأكيد و بيخلى البنت دايماً معتمدة على الراجل و متعرفش تتصرف

صح من غيره و ينتج عن ذلك قصور عقلى

طبعاً ديه نظرة سودوية للأشياء

بغض النظر

و انا ببص على جدول مواعيدى للأسبوع إللى جاى، أفتكرت سندس الفرماوى و أحنا فى الجامعة لما كانت بتقول weekends are my busiest days

أنا يوم الجمعة عندى كوارث و ده مش بيتحلنا وقت نقعد مع بعد

خالص

هتشل فعلاً

حاسة إن العالم بيلطشنى على وشى و أنا مش مهتمة

السحابة السودا بدأت فى الزحف على صدرى

إكرشها بقى

مش عارفة أتنفس

العنوان من كريم سامى و هو بيحكيى أمبارح عن مقال مطلوب منه يكتبه *